काठमाडौँ /सर्वोच्च अदालतले अग्रपंक्तिमा रही समाचार संकलन गर्ने पत्रकारहरूलाई प्राथमिकता दिएर कोरोना भाइरस (कोभिड-१९) विरुद्धको खोप लगाउने व्यवस्था मिलाउन आइतबार सरकारका नाममा अन्तरिम आदेश जारी गरेको छ । अधिवक्ता लिलानाथ घिमिरेले दायर गरेको रिट निवेदनमाथि सुनुवाइ गर्दै सर्वोच्च अदालतका न्यायाधीश कुमार चुडालको एकल इजलासले यस्तो आदेश जारी गरेको हो ।

पत्रकारहरूको पेशागत प्रकृति र परिस्थिति जनसमुदाय वा समूहमा पुग्नपर्ने वा जनसम्पर्कमा हुनुपर्ने भएकोले पत्रकारको कार्य प्रकृतिको विशेष परिस्थितिलाई समेत मध्यनजर गरी अग्रपंक्तिमा रही समाचार संकलन गर्ने पत्रकारहरूलाई प्राथमिकता प्रदान गरी कोभिड विरुद्धको खोप लगाउने आवश्यक व्यवस्था मिलाउनू,ु सर्वोच्च अदालतले जारी गरेको आदेशमा उल्लेख गरिएको छ ।

प्रतिक्रिया

सम्बन्धित खवर

%d bloggers like this: